У ўз йўлини энг оддий қадамлардан — ошхонада ошпазликдан бошлаган, юксак чўққиларни забт этиб, мамлакатнинг ҳурматли давлат арбобларидан бирига айланди. Унинг асосий ютуғи — ватанига хизмат қилган йиллар давомида халқ муҳаббати ва ва самимий ҳурматидир.
Мираброр Усмонов Ўзбекистонда спорт ривожига улкан ҳисса қўшди. Унинг саъй-ҳаракатлари билан замонавий спорт мажмуалари барпо этилди, ёшлар учун жисмоний тарбия билан шуғулланишга шароитлар яратилди.
У спорт — кучли, соғлом ва ишончли миллатга олиб борувчи йўл, деб ишонарди. Кўплаб ёш истеъдодлар ана шу эътиқод орқали ўзларига ишонишди, ўз йўлларини топишди ва халқаро майдонда Ўзбекистон номини фахр билан намоён қилишди.
Бироқ унинг хайрли ишлари у кишининг ҳаёти билан тугаб қолмади. Бугунги кунда у киши номини олган Мираброр Усмонов номидаги Халқаро хайрия жамоат фонди орқали у инсонпарварлик миссияси давом этмоқда. Бу фонд шошилинч ва қимматбаҳо операцияларга муҳтож болаларга амалий ёрдам кўрсатмоқда. Ушбу ташаббус туфайли юзлаб болалар соғлом ва тўлиқ ҳаёт кечириш имкониятига эга бўлди. Ушбу фонд — у кишининг оламдан ўтганидан кейинги инсонпарварлик ва қалбни илитадиган давоми десак, муболаға бўлмайди.
Мираброр Усмонов ҳақидаги хотира — бу шунчаки эслаш эмас. Бу — у кишининг эзгу амаллари, инсонларга бўлган меҳр ва ғамхўрлигининг жонли изидир. У киши бошлаган хайрли ишлар яшайверсин, инсонларга илҳом ва умид бахш этишда давом этсин. Охиратингиз бўлсин.