2023 йил 11 декабрь куни Ўзбекистон «Veteran» жангчи фахрийлари ва жанговор ҳаракатлар ногиронлари бирлашмаси аъзолари томонидан жанговор ҳаракатлар қатнашчилари ва ватан ҳимоясида ҳалок бўлган жангчилар оила аъзоларини ижтимоий қўллаб-қувватлаш борасидаги фаол харакатлари учун Мираброр Усманов номидидаги халқаро ҳайрия жамоат фонди Бошқаруви раиси Усманов Жаҳонгир Мираброрович “Veteran уюшмасига қилган хизматлари учун” медали билан тақдирланди.
Шунингдек, Мираброр Усманов номидаги халқаро ҳайрия жамоат фонди ижрочи директори Илхамджанов Даврон Нигматович, ижрочи директор ўринбосари Хамидбеков Равшан Учқунович ва бўлим бошлиғи Алимов Мирзараҳим Мирзамуратовичлар Ўзбекистон “Veteran” жангчи фахрийлар ва жанговор ҳаракатлар ногиронлари бирлашмасининг “Фахрий ёрлиғи” билан тақдирландилар.